«Бир Дүйнө-Кыргызстан – 2020» адам укуктары боюнча даректүү тасмалардын ХIV эл аралык фестивалы
“Адамдар жана кырсыктар: тобокелдиктер кырсыктарга айланбашы үчүн кандай кылуу керек?” темасына арналат.
Кырсык тобокелдиктерин төмөндөтүү — бул кырсыкка туш болгон шарттарда жашап кетүү маселеси гана эмес, бул – жарандардын алардын чөйрөсү үчүн мүнөздүү болгон тобокелдиктерди аларды зыяндан коргой турган жана жашоо-турмушун жакшырта турган ыкма менен мүмкүнчүлүктөрүн өнүктүрүү.
2015–2030-жылдарга карата кырсык тобокелдиктерин төмөндөтүү боюнча Сендай алкактык программасына бириккен мамлекеттер прогресс өз ичине негизги кызыкдар топторду, мунун ичинде аялдарды, майыптуулугу бар жактарды, балдарды жана жаштарды, улгайган адамдарды, этникалык топторду, жеке жактарды жана анын көп түрдүүлүгүндө бүтүндөй жарандык коомчулукту камтыган жалпы жарандардын мамилесинен көз каранды деп таанышат.
БУУнун Башкы катчысы Антониу Гутерриш өз баяндамаларынын биринде глобалдык пандемиянын шарттарында дагы туруктуу өнүгүү курсун кармануунун маанилүүлүгүн баса белгилеген.
Кыргызстан БУУнун башка мүчөлөрү менен катар Туруктуу Өнүгүүгө жетишүүнүн 17 Максаты боюнча иш алып барат.
Фестиваль 8 максатка арналат:
3-максат: Чың ден соолук жана бейпилчилик
4-максат: Сапаттуу билим берүү
5-максат: Гендердик теңчилик
6-максат: Таза суу жана санитария
8-максат: Татыктуу жумуш жана экономикалык өсүш
10-максат: тең укуксуздукту азайтуу
16-максат: Тынчтык, акыйкаттык жана натыйжалуу институттар
17-максат: туруктуу өнүгүү кызыкчылыгында шериктештик.
Фестиваль короновирус пандемиясына байланыштуу 2029-жылдын 2-октябрынан 6-ноябрына чейин онлайн режимде өткөрүлөт. Фестивалдын алкагында улуттук жана эл аралык эксперттер менен биргеликте эксперттик дискуссиялар жана чеберканалар уюштурулат.
Фестиваль “Бир Дүйнө-Кыргызстан” укуктук кыймылы” тарабынан Кыргыз Республикасынын Швейцария элчилигинин техникалык колдоосу менен өткөрүлөт. WLP (Women Learning Partnership), FIDH (International Federation for Human Rights), CSP (The Civic Solidarity Platform), GNDR (The Global Network of Civil Society Organisations for Disaster Reduction) тилектештик тармактары менен биргеликте.
_____________________________________________
Адам укуктары боюнча даректүү тасмалардын эл аралык фестивалы 2007-жылдан бери өзгөрүүдөгү дүйнөдө Адамдык Укуктары жана Эркиндиктери өзөктүү темаларын көтөргөн кеңири горизонталдык катышуудагы Жарандык Платформа болуп саналат.
