Супрацоўнікам аднаго з падраздзяленняў «Беларуснафты» ў Светлагорску паведамілі пра забарону на паездкі ў «недружалюбныя» краіны. Прычым пад абмежаванні трапілі не толькі дзяржавы ЕС, але і папулярная сярод беларусаў Турцыя.
Як стала вядома праваабаронцам, у адным з ключавых падраздзяленняў аб’яднання «Беларуснафта», Светлагорскім упраўленні свідравальных работ, правялі агульныя сходы супрацоўнікаў. Калектыў пазнаёмілі з загадам канцэрна «Белнафтахім» пра забарону работнікам падведамных прадпрыемстваў наведваць так званыя недружалюбныя краіны.
Як сцвярджаецца, у спіс увайшлі краіны Еўрасаюза, а таксама Турцыя, якая застаецца адным з самых папулярных замежных напрамкаў для адпачынку беларусаў. У якасці альтэрнатывы супрацоўнікам нібыта рэкамендавалі В’етнам, Індыю, Кітай, Паўночную Карэю і іншыя дзяржавы, якія ўлады Беларусі лічаць дружалюбнымі.
Як сцвярджае крыніца, адзін з супрацоўнікаў падчас сходу пацікавіўся, што рабіць, калі пуцёўка ў Турцыю на лета ўжо аплачаная. З яе словаў, у адказ прагучала папярэджанне, што такая паездка магчымая, аднак пасля яе супрацоўнік стане «першым кандыдатам на звальненне».
Афіцыйнага пацверджання існавання такой забароны пакуль няма.
Крыніца: Зеркало
