Янгиликлар

Мактаб директорлигига номзодлар менежерлик сертификатини олиши керак бўлади

Президент “2022-2026 йилларда халқ таълимини ривожлантириш бўйича миллий дастурни тасдиқлаш тўғрисида”ги фармонни имзолади.

Халқ таълими вазирлиги Бандлик ва меҳнат муносабатлари вазирлиги билан биргаликда 2022 йил 1 декабрга қадар мактаб директори лавозимига номзодларнинг билим ва кўникмаларини баҳолаш ҳамда баҳолаш натижаси бўйича уларга менежерлик сертификатини бериш амалиётини йўлга қўяди.

«Бундан кўра уйимни ёқиб юборса яхши эди». Фарғоналик фермер туман ҳокими устидан арз қилиб, президентга мурожаат йўллади

Президентнинг Фарғонага ташрифи арафасида фермер Иқболжон Мелибоев Бувайда тумани ҳокими устидан шикоят қилиб, видеомурожаат йўллади. Буни ёритган фарғоналик журналистга босим ўтказилгани ва ишдан бўшаш ҳақида ариза сўралгани айтилди. Фарғона вилояти ҳокимлиги вазиятни ўрганишни бошлади. Жамоатчилик фаоллари эса мазкур ҳолатни кескин қоралаб, «фермер ва журналистдан қўлларни тортишни» талаб қилмоқда.

Ярим миллион ўзбек аёли хорижда ишлаяпти — Ўзбекистонда уларга иш топиб бериш механизми борми?

Расмий маълумотларга кўра, 570 мингга яқин ўзбек аёли чет элда ишлаяпти. Улар орасида оиласидаги ягона боқувчи бўлганлари талайгина. Аксарият ҳолатларда аёллар болаларини қариндошларига ташлаб кетишган. Халқаро тадқиқотларда ота-онадан айро улғайиш бола руҳиятига салбий таъсир кўрсатиши аниқланган.

Ўзбекистонда ишлаб чиқаришдаги бахтсиз ҳодисалар оқибатида 238 киши ҳалок бўлган

2021 йилда ўтказилган текширишлар давомида 19 967 та меҳнатни муҳофаза қилиш тўғрисидаги қонунчилик бузилиши аниқланган. Бу ҳақда АОКАда Бандлик ва меҳнат муносабатлари вазирлиги ахборот хизмати раҳбари Мавжуда Мирзаева иштирокида ўтказилган брифингда маълумот берилди.

Ўзбекистонга дарча очилди, лекин унинг қайта ёпилмаслигига кафолат йўқ

Инсон ҳуқуқлари ҳимоячиси Умида Ниёзова узоқ йиллик ҳижратдан сўнг ватанига қилган сафари ва янги воқеликлардан олган таассуротлари ҳақида. Ўзбекистонда 2016 йилдаги ҳокимият алмашинувидан сўнг бошланган очиқлик ва либераллаштириш сиёсати сиёсий эмигрантларда ҳеч бўлмаганда қисқа муддатга ватанга қайтиб бориш умидини алангалатмай қолмади. Уларнинг баъзилари таваккал қилди ва кейин чегарадан ҳеч қандай муаммосиз ўтгани, борган жойида осон рўйхатга қўйилгани, куч ишлатар тузилмалар уларга яққол эътибор қаратмаганини ажабланиб гапириб юрди. Уларнинг ҳикоялари бошқаларда ҳам некбинлик уйғотди ва Ўзбекистонга йўл олган диссидентлар ва сиёсий қочқинлар сони аста-секин ўса бошлади.

Ғарбий Қозоғистонда тадбиркорлар Озарбайжон компаниясидан қарз ундиришга ҳаракат қилмоқда

29 ноябрь куни Озарбайжоннинг СПИК Аккорд компаниясидан 168 миллион тенге (ҳозирги курс бўйича тахминан 385 минг доллар)ни ундиришга ҳаракат қилаётган қозоғистонлик тадбиркорлар гуруҳи Оқтўбе вилояти ҳокимлигига келди. Тадбиркорлар мутасаддиларни ўз манфаатларини ҳимоя қилишга, вилоят ҳокими Ундасин Ўразалин билан учрашув ташкил этишга чақирди. Тадбиркорларнинг сўзларига кўра, 2019 йилда Байганин тумани аҳолиси ўша пайтда Оқтўбе-Астрахан автомобиль йўлининг бир қисмини таъмирлаётган «СПИК Аккорд» компаниясига турли техникаларни ижарага берган.

Ғаниев осмондан кўриши учун юзлаб ўқитувчи ўз ёнидан кўчат ўтқазишга сафарбар этилди

Қашқадарё вилоятидаги мактаблар ва боғчаларнинг ўқитувчи ҳамда тарбиячилари 25 ноябрь куни оммавий кўчат экишга сафарбар этилди.
Халқ таълими бўлими мулозимлари шу куни кўчат ўтқазиш кампаниясини шахсан Бош вазир ўринбосари Шуҳрат Ғаниев вертолётдан назорат қилиши ҳақида огоҳлантирган.
Ўқитувчи ва мактаб директорларининг айтишларича, Бош вазир ўринбосарининг вертолёти кўринмаган бўлса ҳам, улар ўз ёнларидан пул тўлаб, кўчат сотиб олишган ва мактаб томорқасига ўтқазишган.

Мардикор бозори Ортиқхўжаевдан кўпроқ иш ҳақи таклиф қиляпти

Тошкент шаҳар ҳокими Жаҳонгир Ортиқхўжаевнинг “1,5 миллион сўмлик ойликка ҳеч ким ишлагиси келмаётгани” тўғрисидаги сўзлари ўзбекистонликларга тўланаётган иш ҳақи ва унинг қурби масаласини яна кун тартибига чиқарди. Жойлардан олинган маълумотларга қараганда, шу кунда кунлик ишга чиқувчи муайян ҳунари йўқ эркакларнинг бир кунлик иш ҳақи 80 минг сўмдан, усталарники эса, 120 минг сўмдан бошланяпти.

Фермерлардан ерни топшириш ҳақида мажбуран ариза ёздириб олинмоқда

Тошкент вилоят, Бўка туманидаги фермерлардан ерни “ўз ихтиёри билан давлат захирасига ўтказиш” ҳақида мажбурий ариза ёздириб олинмоқда. Озодликка гапирган фермерларнинг айтишларича, гарчи улар пахта топшириш бўйича тўғридан-тўғри кластер билан шартнома қилган бўлса-да, вилоят ва туман ҳокимликлари ички ишлар ходимлари ёрдамида фермерларни бир жойга қамаб, ариза ёздириб олмоқда.

МЕҲНАТ ҚОНУНЧИЛИГИ БАНДЛИК МАРКАЗИДА БУЗИЛСА...

Ўзбекистон Республикаси Меҳнат кодексининг 124-моддасида  ходим учун белгиланган кундалик иш (смена) муддатидан ташқари ишлаш вақтидан ташқари иш деб ҳисобланади.
Иш вақтидан ташқари ишлар ходимнинг розилиги билан қўлланилиши мумкин.